Դատապարտյալները մրցել են միմյանց հետ - 23 Мая 2011 - Բազկամարտի Երիտասարդական Ասոցիացիա

Գլխավոր

Բաժանորդագրվել

Մուտք

Ողջունում եմ Ձեզ Гость!

Բազկամարտի Երիտասարդական Ասոցիացիա

Главная » » Դատապարտյալները մրցել են միմյանց հետ

11:30

Դատապարտյալները մրցել են միմյանց հետ

23.08.10 18:11

ՀՀ սպորտի և երիտասարդության հարցերի նախարարության նախաձեռնությամբ օգոստոսի 20-ին ՀՀ արդարադատության նախարարության «Աբովյան» քրեակատարողական հիմնարկում մի շարք մարզական միջոցառումներ են կազմակերպել, որոնց հիմնական նպատակը դատապարտյալների շրջանում առողջ ապրելակերպի գաղափարների տարածումն է եղել: Մարզական միջոցառումներին մասնակցել են կին և անչափահաս մի քանի տասնյակ դատապարտյալներ: Աբովյան քրեակատարողական հիմնարկի դատապարտյալների այսօրվա օրը տարբերվել է մնացած օրերից: Վաղ առավոտից ճաղերից այն կողմ մարզական միջոցառման կազմակերպչական եռուզեռն է եղել: Դատապարտյալներն իրենց ուժերը չափել են սեղանի թենիս, մինի ֆուտբոլ, վոլեյբոլ, հեռացատկ, բազկամարտ մարզաձևերում: Մարզական ոգին մեկտեղել է բոլորին: Անգամ բացառության կարգով կին և անչափահաս տղա դատապարտյալներին հնարավորություն է ընձեռվել միմյանց հետ ուժերը չափել վոլեյբոլ մրցաձևում: Քրեակատարողական հիմնարկի պատասխանատուների խոսքերով նմանօրինակ միջոցառումները կարևորվում են ոչ միայն մարզական, այլև նաև իրենց կրթադաստիարակչական բնույթով: ՀՀ սպորտի և երիտասարդության հարցերի նախարարության աշխատակազմի ղեկավար Լևոն Խալիկյանի գնահատմամբ` միջոցառումը դատապարտյալների շրջանում ֆիզկուլտուրայի և սպորտի մասսայականացմանը, քարոզչությանը նպաստելու և առողջ ապրելակերպի գաղափարի արմատավորման նպատակ ունի: Ավարտին մարզական միջոցառման մասնակիցներն ըստ մարզաձևերի պարգևատրվել են ՀՀ սպորտի և երիտասարդության հարցերի նախարարության համապատասխան կարգի հավաստագրերով, ինչպես նաև ստացել են նվերներ ու մարզագույք
: Դատապարտյալները մրցել են միմյանց հետ

http://www.slaq.am/am/news/18415/%D4%B4%D5%A1%D5%BF%D5%A1%D5%BA%D5%A1%D6%80%D5%BF%D5%B5%D5%A1%D5%AC%D5%B6%D5%A5%D6%80%D5%A8_%D5%B4%D6%80%D6%81%D5%A5%D5%AC_%D5%A5%D5%B6_%D5%B4%D5%AB%D5%B4%D5%B5%D5%A1%D5%B6%D6%81_%D5%B0%D5%A5%D5%BF.html/